Diabierna tabata e dia tan spera pa hopi hende cu a pone nan liña na awa.
Tabata e premio miyonario di 2.775.000 cual t’e Mini Mega Plus y Mini Mega mes tabata di 1.875.000.
Ta trata di e number ganado 30 – 6 – 17 – 23 MB: 14.
P’e premio aki tabatin dos ganado cu sigur nan a haya un cambio radical den nan bida diabierna.
Un premio a cay p’e tienda di Tele Uno II Lottery, net banda di Lee Feng den Caya Betico Croes y e otro a cay na Pearl Lottery na Wayaca, unda cu pa suerte nos a bin topa cu su propietario, Astrid Orman.
Astrid tabata sumamente contento cu e premio. El a conta cu su luga ta habri tur dia pa 8:00 am y ta cera te ora cu e mashin di Lotto cera.
Pa loke t’e dia, el a conta cu e benta a bay hopi bon mes. Nan ta situa na un spot tremendo. Esey ta loke e por bisa y e tin poco fiel cumprado cu ta frecuenta e negoshi pa basta aña.
E sentimento di Astrid tabata uno hopi halto y e tabata sumamente contento. Pa loke t’e ganado, e no tin idea ken por a bay cu e premio. “Nos ta bende asina hopi ticket, cu bo no sa.” Ta loke el a expresa.
Pa ora cu e ganado presenta, lo sa ken e persona ta.
Astrid a conta cu nan a yega di bende pagara di fin di aña y varios otro premio di Zodiac y hasta Lotto 5.
Cu e premio aki, Astrid a bisa di ta sinti hopi great. “Ma haci un hende contento,” el a expresa.
