“E Polis femenino mas bunita di Alemania” ta enfrentando un decision dificil: E tin cu scoge entre ta un modelo y influencer di rednan social of mantene su trabou di Polis y di sirbi comunidad. Esaki despues cu su superiornan a convoca un ultimatum pe.
Dos aña pasa, e famoso Polis, Adrienne Adrienne Koleszar, di 34 aña di edad, a obtene e titulo no oficial di “E Polis mas bunita di Alemania”. Desde cu a haya sa di su existencia, el a bira un influyente riba rednan social y awo e tin como 557 mil siguido riba Instagram.
Na principio, su hefenan a dun’e permiso pa probecha e fama durante seis luna, awo cu e ta di regreso, otro aña, nan a dun’e un ultimatum, pa dicidi si e kier mentene e bida ey of e ta prefera pa bin bek na e ciudad di Dresden, na Saxon. “Tin mester di Polis,” e superiornan di e blondine a argumenta. Ta planea cu e ta di regreso na pia di trabao dia 1 di Januari 2019.
Durante e ultimo lunanan, Adrienne a acapara hopi reaccion riba Instagram y a cuminsa ricibi elogio pa su increibel figura y su impresionante potretnan den bikini. Riba su rednan social, e ta duna conseho di con pa mantene un figura balancea, tipnan alimenticio y rutinanan pa haci gymnastiek.
Na principio di e aña aki, a dun’e permiso di seis luna pa e keda for di Cuerpo Policial. E vakantienan chikito aki el a usa pa encanta su siguidornan cu potretnan di su mes rond mundo y probecha cada momento di su biahenan pa persigui su carera como influencer riba rednan social.
“Mi no lo ricibi ningun compensacion di e Estado Liber di Saxon, mi lo biba di mi spaar y di mi actividadnan riba rednan social,” el a bisa su siguidornan den un video publica na Juli.
Despues di un reunion cu su superiornan e siman aki, nan a bis’e cu e mester traha full time na Januari of e lo mester kita for di trabao. Esaki pasobra Alemania lo mester mil Polis mas pa otro aña, medionan di prensa Aleman a comunica.
Ora cu a puntra e actual modelo, kico e lo gusta haci? El a responde cu e ta sinti hopi comodo cu ambos cos, solamente cu bida no ta duna e oportunidad pa tin tur cos cu bo ta desea den bida. E tin te cu dialuna pa dicidi si e kier un carera como Polis of como modelo di condicion fisico riba rednan social.
