UA cu orguyo a entrega dia 13 di februari ultimo 24 certificado na un grupo di lidernan den educacion cu a sigui formacion di liderazgo colaborativo. Ta di cuater biaha cu e ceremonia aki a sosode.En total a gradua 91 persona. E participantenan ta traha cu diferente entidadnan educativo di nivel pre-escolar te nivel universitario, y ta di tur distrito di Aruba. Ta señala cu educador maestro, educador guiador y profesional consehero di maneho a participa na e programanan desde 2014.
Cu e proyecto di cuater aña UA a duna contenido na su responsabilidad comunitario, reconociendo e necesidad pa fortifica, inova educacion y mehora resultado pa participantenan den tur nivel di eduacion. Lo sigui sostene e proceso aki entre otro dor di yuda crea un plataforma di graduadonan/Alumni. E plataforma aki lo fomenta intercambio di informacion, sosten profesional y sosten di inovacion den educación.
Durante presentacion di e cuater mihor graduadonan Maybelin Biezem, Eduard Pieters, Jozine Martinez y Lisanne Gomez a enfoca riba e hermentnan cu nan a ricibi. Nan a amplia riba desaroyo personal pa medio di un plan di siñamente propio. Desaroyo interpersonal a wordo sosteni door di coachmento y facilita grupo. Cultura di colaboracion a wordo fomenta door di un analisis structural y intervencion di lugar di trabou. Desaroyo/mehoracion di organizacion a sosode pa medio di un proyecto accion investigativo. E proyectonan accion investigativota enfoca riba identifica, analisa y colecta dato riba un reto deneducacion. Siguientemente a planea y cuminsa ehecuta accionnan pa atende e reto escogi. Ehempelnan di proyetonan elabora ta mehoracion di espacio pa instruccion, uzo di droga, responsabilidad di educadornan pa resultado di participantenan, y mehoracion di instruccion di Hulandes.
Cu e proyecto di cuater aña di formacion di lidernan colaborativo pa educacion Aruba ta dispone di un grupo signicativo di profesionalnan cu por crea cambionan chikito inovativo cu riba termino largo por conduci na cambionan grandi na beneficio di participantenan.
