Boluntarionan di Stichting Rancho ta traha riba e proyecto Hoffi Bario. Tambe tabatin e proyecto di entrega simia, pero awo ta den temporada di cosecha. Pa e motibo aki e fundacion ta pidi esunnan cu a ricibi simia pa ta atento si tin cosecha di esaki.
Nan mester ta atento si e structura ta bon of no y colabora con esaki a bay. Esaki ta p’e fundacion por registra loke a pasa cu e simianan. Awe, 31 di augustus, ta dia di entrega cosecha pero tambe donacion. E parti di donacion ta importante, door di e proyecto Hoffi Bario a cuminsa sin tin fondonan necesario of suficiente pa por a realis’e.
Door di e pandemia aki, e fundacion kier a mira con pa sigui cu e proyecto, riba e conocemento di agricultura cu casi no t’ey. E fundacion kier trece e conocemento aki dilanti y por cultiva e proyecto cu hende mes por come. Por pasa cerca nan y haci e donacion, pa asina e fundacion por haci un bon causa cu ne.
Esunnan cu ta interesa pa pasa y aporta na nan proyecto di Duna Parti di bo cosecha como donacion, por haci esey te cu 4:00PM na Koningstraat 38. E fundacion tin mas proyecto pa ehecuta y duna alimento na comunidad di Aruba. Tur esunnan cu no sa over cosecha por pasa cerca nan y ricibi informacion con pa bira agricultor y mas di e industria di cosecha.
