Un situacion preocupante cu arma di candela riba nos isla. Un Toyota color blanco a pasa los tiro riba un otro vehiclo na altura di Kam Man Food Mart (ex-Rey Hing) na Pos Chikito.
Esaki a tuma luga aproximadamente 3:30 pm ora cu a bati alarma pa un atentado serio. Un auto cu algun sospechoso aden a pasa los tiro riba un Toyota Vitz shinishi (A-725309) y perfora esaki. E vehiculo aki envolvi tambe a bandona sitio. Tin algun informacion adicional cu ta menciona cu tin un di tres vehiculo envolvi pero esaki lo ta den man di investigacion cu a cuminsa mesora.
Mientrastanto e auto cu a tira, a trot bay direccion ariba caminda cu tin buskeda andando pa asina detene e sospechosonan aki mas lihe posibel. Segun por a compronde tabata trata di varios persona den un auto blanco.
Na e sitio por a tuma nota cu a sigura e area y e huls cu tabata tira abou. Esaki ta sigur preocupante como cu den tipo di tiramento asina aki hopi biaha hende inocente ta resulta herida of pio ainda fatalmente herida.
Investigacion ta andando, diferente team policial ta na e sitio y no ta descarta cu lo tin un update pronto riba e caso aki.
