Polis a detene un chauffeur diadomingo anochi despues cu e tabata drift y sin cu e tin rijbewijs. Tabatin mas persona participando pero tur e huy.
Diadomingo den oranan laat di anochi tabatin hopi molester di sonido banda di ex Certified Mega Mall. Tabatin basta auto eybou y algun di nan tabata drift mientras cu otronan tabata para wak. E tabata manera
un show.
Na momento cu nan a tuma nota di yegada di patruyanan policial, nan a spart for di e sitio. Polis a logra para solamente un auto, cu su chauffeur a trata di huy despues atrobe pero sin resultado.
Na momento cu a bay controla e documentonan di e vehiculo, a resulta cu e chauffeur no tin rijbewijs. Mesora a detene y transporte pa warda di polis.
