Bo kier regala bo ser stima algo special of bo kier bay un picnik cu bo amigonan? Wel Dot’s My Creation por yudabo crea e momento e special aki. Diony Lopez, propietario di Dot’s, a splica na Miami el a bin topa algun hende ta haci picnik na lama y a pensa cu no ta un mal idea pa bin cu esaki Aruba.
Na Aruba tin hopi turista ta bin como tambe hendenan local cu ta bay lama tur ora. No ta tur por bin cu un set pa haci algo bunita y nechi. Lopez ta conta cu e por haci esaki na ki ocasion cu ta. Sea ta pa un cumpleaños, pa dia di San Valentino, pa Dia di Mama, entre otro y na un bon prijs.
Dot’s ta sirbi tur hende, pero mas tanto local, sin lubida nos bishitantenan. Tambe nan ta sirbi grupo grandi y grupo chikito. Ta tuma contacto cu Dot’s y nan ta regla tur cos segun e cantidad di hende cu ta envolvi den e picnik.
Nan tin varios manera pa hinca un bunita picnik den otro. Sea ta estilo charcuteria, tambe por tin sparkling wine, tin masha hopi opcion pa scoge di dje. Prijs ta varia naturalmente, pero tumando contacto cu nan na 5930542, Lopez por dunabo un variedad di pakete di picnik cu abo como cliente por disfruta di dje.
Diony Lopez ta invita pueblo di Aruba cordialmente pa bin disfruta di Dot’s My Creatons den un picnik increibel.
No ta picnik so
Dot’s My Creation no solamente por haci cu bo picnik cant’i lama bira un hecho inolvidabel. Si en caso bo tin un fiesta, haciment’i aña of cualkier otro tipo di fiesta y bo mester pa yuda bo decora, Dot’s My Creation tambe por asistibo den esey. Tambe nan por traha e bolo cu bo tin mester pa ta e centro di atencion di bo celebracion.
