Dos turista femenino a kere cu algun ora prome cu bay aeropuerto por probecha pa horta riba beach. E siguridad di e hotel a logra mira nan y hasta tin grabacion di siguridad cu ta prueba ken a horta.
A resulta cu e turista tabata tin su tas cu cartera colga na su palapa. El a drenta lama pa disfruta un tiki y kita e calor. Dos damita turista Mericano a dicidi cu nan ta bay cana riba beach y wak kico por horta for di otro turista. Nan a mira un tas colga y un di nan a hinca man den e tas coy e cartera.
E guardia di siguridad cu a mire a dal un grito pa nan stop. Nan a cuminsa core pero a logra pone man riba nan canto di caminda grandi dilanti di hotel. A haya e cartera horta den nan poder y a detene e sospechoso principal cu a coy e cartera den e tas. E otro tambe polis a atende cu ne y a hib’e warda. Esun cu a horta a bay den transporte policial.
Sub fiscal via telefon a logra mesora traha un luga p’e na warda di San Nicolas pa e keda un anochi. E ta bira un les pa den futuro pensa dos biaha prome cu horta mientras bo a bay otro pais cu vakantie. E miembronan di siguridad cu a core tras di e ladron y cu a mira kico a pasa a duna declaracion na polis. Pa motibo di loke nan a comete, a perde e avion bek pa nan pais diadomingo.
