Diadomingo pasa di 6:30 pm polis a bay net pariba di Cayena Mall, riba e caminda di Playa pa rotonde di Tarabana, pa dos hende muhe pata pata burachi den un Ford Color blauw.
Na yegada di polis, a topa cu nan y a demostra hopi pasenshi cu e dos hende muhenan aki y kier a hiba tur dos nan cas.
Polis a trata di tur manera pa yuda nan mes pa haya nan adres, of pa nan yama un persona bin busca nan. Pero e tabata manera carga awa hiba lama.
E polisnan di Playa a dicidi di obliga e chauffeur baha di su auto y a detene pa transporte pa warda di polis. A pone e pasahero tambe baha for di e vehiculo.
Detencion no a bay facil, mirando cu e pasahero na banda tabatin un tas cu basta placa riba dje y no tabatin mucho confiansa cu shon polis pero na final a logra atende cu ne p’e bay Ward’i Polis.
