Toque de queda ta na vigor un biaha mas, pues asina cu 12:00AM bati tur hende mester ta na cas y no riba ningun caminda publico. Parce cu dos persona no a tene cuenta cu e ordo aki y a viola e ley, dor di tabata riba caminda den pleno marduga, na altura di The New Peking Bar & Restaurant na Santa Cruz.
Polis a para un auto marca Nissan modelo March cu e chauffeur tras di stuur y un ocupante mas sinta dilanti. Ningun por a demostra un permiso pa ta riba caminda publico durante Toque de Queda.
Di acuerdo cu e maneho regular, a detene e dos personanan y a transporta nan pa ward’i polis pa procesa nan multa. Fiscal a menciona ayera cu nan lo duna cada hende riba caminda un multa di mil florin.
