Awe marduga pa mas o menos 2:15AM habitante di Weg Fontein a bati alarma pa un cas na candela. Mesora Polis a bay na e sitio y a pidi pa presencia di Bomberonan pa combati e candela. E cas tin algun tempo caba bandona, pues ningun hende ta biba aden.
Bomberonan a constata si cu e cas ta cerca di un kleuterschool y un otro cas. A laga cera e area pa ningun hende yega cerca, mientras bomberonan a drenta den accion rapidamente pa domina e candela.
Door cu tabata scucha diferente zonido di tiro saliendo for di e cas, a haci cu bomberonan a drenta cu masha cautela. Diferente obheto tabata spart riba caminda door di e candela. Te despues di basta rato bomberonan a logra domina e candela.
Causa di e candela ainda ta desconoci. E lo ta parti di un investigacion cu mester sigui awo di parti di polis.