Funcionarionan policial tabata basta druk den oranan di marduga atendiendo cu difernte asistencia pero tambe pa accidente di trafico. Ta basta vehiculo tin ultimo dianan kedando cu basta daño material despues di tabata envolvi den accidente.
Un di e accidentenan aki a tuma luga rond di 4:00 am. E accidente aki a sosode riba e caminda grandi di Kamerlingh Onnestraat, cogiendo caminda direccion di e rotonde, na altura di e cas di coriente di ELMAR.
Na e sitio por a compronde cu e chauffeur di un Kia Rio color cora no a regula su velocidad, y dal tras di un Toyota mand’e para bou di e mata.
Polis a presenta na sitio y pone e chauffeur di e Kia Rio supla y a resulta cu ela supla net net na e limite. Pues no mester a detene. Daño material ta basta na ambos auto.