Den oranan di marduga polis y ambulance tabata den Weststraat unda cu tabatin un caso di violencia cu a tuma luga. Un persona a resulta herida. E echo aki a sosode rond di 2:00 am net na e crusada di Weststraat.
Dos patruya a yega na e sitio, unda cu nan a bin topa cu un hoben drumi na suela di banda y tabata keha di dolor. Paramediconan a cuminsa atende mesora cu ne, pasobra e hinca den lomba, area di pulmon. E victima ta un persona hoben y tabata den compania di mas hende na e sitio.
No ta conoci cual ta e adicto ambulante aki y ni kico a pone perde cabes y actua di e forma aki.
Ta conoci cu tin basta adicto ambulante cu ta pasa den e cayanan unda tin establecimento nocturno. Tin ta purba saca placa for di e clientenan y of ta trata di haya algo di horta. Por bisa tambe cu algun di e adictonan aki sa ta basta insistente y molestia cliente di e negoshinan. Echo ta cu e problema di adicto ambulante a crece ultimo tempo.
