Project Team Drugspanden di Polis a haci un entrada hudicial na un cas na Brazil y a detene dos sospechoso.
Project Team Drugspanden ta un team cu a lanta pa entre otro investiga bendemento di droga for di un cas y riba caya.
En conexion cu un investigacion andando, recherche a haci entrada hudicial na un cas na Brazil.
Aki a detene dos hende homber di inicialnan A.C.T. naci na Aruba di 61 aña y e homber G.T.T. naci na Aruba di 53 aña di edad.
Durante razzia na e cas na Brazil a confisca un cantidad basta grandi di droga, entre otro marihuana, piedra (Base) y cocaina.
Pa Cuerpo Policial por resolve mas caso, ta importante di por conta riba e cooperacion y informacion di pueblo di Aruba. P’esey ta pidi si tin cualkier informacion, pa yama e tiplijn di polis: 11141. Ta garantisa cu bo ta keda anonimo pa bendemento di droga.