Tabata tin un situacion cu a presenta na Santo Largo, cu tabata afecta e mangelnan. Departmento di Medio Ambiente tabata tin un rol den esaki. Gisbert Boekhoudt, director di e departamento, a splica cu den e saliña na Savaneta net dilanti di Santo Largo Beach, basta tempo pasa tabata tin un zoutpan, unda salo ta wordo colecta.
Pa hopi aña caba e no ta den funcion mas. E Mangelnan a recolonisa e saliña. Na 2016 y 2017, trabaonan a wordo haci y cierto tubonan a wordo kibra. Despues di un investigacion a sali na cla cu e awa no ta ni drenta, ni sali mas tampoco. Esey ta un di e rasonnan cu e mangel cada bes a bira menos y menos of nan tabata muriendo. Despues di e restauracion of ponemento di tubonan nobo pa percura pa e awa drenta y por sali, esunnan cu ta morto, a keda morto. Esun cu tabata muriendo, ainda ta monitor esaki. E blachinan ta creciendo bek. Esunnan cu a wordo afecta, tin chens pa recupera. Solamente nan tin un stress hopi grandi e salo tin biaha ta hopi mas formal. Esey ta un stress adicional.
Investigacion
A puntra diferente hende cu ta traha banda di caminda of cu ta biba den vecindario, cua ta e companianan cu a traha. A acerca diferente compania y for di eynan un investigacion y un reunion a sali cu e diferente companianan. Nan a tuma nan mesun responsabilidad. Eynan DNM tabata un facilitator den esaki. Loke a haci ta, vigila e naturalesa. No e trabao di recuperacion of drechamento di tuberia. Una bes cu esaki a wordo drecha, ta mira e fluho di awa. Cu esey ta mira e resultado
E responsabelnan
Boekhoudt a splica cu DOW tabata envolvi den esaki, WEB y un contratista di WEB tambe, den e caso aki. Pa DNM, nan cu tin e responsabilidad, mester carg’e. Nan cu nan mester a sinta cu otro y percura pa mira con e trabao ta wordo drecha. Pa DNM, e resultado di mira ken ta haci’e, ta un cos. Tin tuberia unda cu e awa ta core.
