Recientemente por a tuma nota di hopi keho pa loke ta trata e servicio pa cliente cu DIMAS ta brinda. Varios cliente ta disgusta cu e trato cu nan ta ricibi na DIMAS. Awe mainta so tabatin dos cliente cu a haci un denuncia publico bisando cu na momento cu nan yega porta di e luga, e trahado di siguridad ta core cu nan sin mas. Pues den ambos caso, e clientenan tabatin problema cu e cita cu nan a traha.
Den un reaccion riba esaki, Marilyn Wout, vocero di DIMAS, a splica cu na varios ocasion ta e cliente ta lubida ki dia nan cita ta y asina a enfatisa cu unabes bo traha un cita riba www.dimasaruba.aw, bo ta scoge entre tres sorto di cita y na final mester yena e email adres corecto pa asina ricibi un confirmacion di e cita. Esaki ta sosode via un link cu e cliente lo mester haya den menos di 6 ora despues cu a haci e peticion pa un cita.
Mester tene na cuenta cu si e cliente yena e email incorecto, e no por ricibi e confirmacion aki. Sin esaki, no por confirma e cita y asina e number di confirmacion no lo parece den e sistema di DIMAS. Debi na pandemia no por atende un gran cantidad di persona, p’esey mes ta di suma importancia pa haci e proceso corecto ora di traha un cita.
Pa cobertura mas amplio lesa edicion di TREMPAN mañan.
