Actualmente tin un stop riba e prome permisonan di reunificacion familiar desde december 2020 a base di e cambio den maneho di admision relaciona cu COVID19.
Segun relacionista publico di DIMAS, Marilyn Wout, na e momentonan aki prome peticionnan di reunificacion familiar ta solamente posibel si e garante ta cay bou di e siguiente categorianan y ta cumpli cu e entrada minimo di 2040 florin pa luna:
∙ Articulo 1: considera como un Arubiano
∙ Articulo 3: admisibel pa ley pa motibo di funcion/tipo di trabou, nacionalidad.
∙ Articulo 7ª: firma liber.
∙ Articulo 7: permiso laboral pa funcionnan vital manera un persona clave (key person), un profesional, migrante di conocemento (kennismigrant), rentenier, inversionista.
Un permiso di reunificacion of formacion familiar no ta duna e persona e derecho automatico pa traha. Den caso cu e persona cu ricibi e permiso di reunificacion kier subi mercado laboral, e lo tin di somete na e arbeidsmarkttoetsing y lo tin di por entrega un documento positivo di DPL hunto cu su aplicacion di permiso.
Pa mas detaye, lesa matutino Trempan.
