A invita medionan siman pasa pa experiencia un rato y celebra hunto cu e team di Digicel cu a lansa e campaña ‘Biba miho cu Digicel’. A comparti detaye di e campaña na media pa asina por comunica cu e siguidonan, oyente y televidentenan tur oferta y sorporesa cu lo tin den e periodo aki.
Durante e presentacion a elabora tocante e score halto cu Aruba a ricibi di Coyne research, e tremendo beneficionan cu cualkier cliente di Digicel ta disfruta di dje, cu ta entre otro “data sin fin” y servicio na cliente 24/7 via My Digicel app.
Tabata un momento di celebracion cu e resultado pa di tres biaha ta sali cu clientenan ta confirma cu Digicel tin e miho servicio y e conexion di mas lihe na Aruba, e plannan cu Digicel tin actualmente ta conta cu aprobacion di 79% cerca cliente y cu 9 for di 10 cliente ta bisa nan ta “satisfecho” of “hopi satisfecho” cu Digicel.
Campaña “Biba miho cu Digicel” ta basa riba un encuesta cu ta haci un biaha pa aña entre tur 27 mercado di Digicel y pa Aruba esaki ta di tres aña cu e resultado ta bin na nivel excelente, unda cu 9 for di 10 cliente ta recomenda amigo y famia nan pa haci uzo di Digicel. E encuesta aki ta midi satisfaccion di cliente, percepcion di balor di marca y animo en general entre usuario y no usuarionan di Digicel.
Digicel ta gradici tur cliente y pueblo di Aruba pa a forma parti di e encuesta aki.
