Motibo di e paro aki ta un compilacion di hopi problema cu Serlimar ta confrontando. No di aworaki, sino di varios aña. Gobierno a bin, gobierno a bay, no a soluciona nada, segun presidente di STA, Diego de Cuba.
P’e motibo aki mes diadomingo atardi a reuni dos ora largo cu e minister concerni y a splic’e e situacion cu e trahadonan ta aden y e motibo tambe e paro di dialuna.
P’e motibo aki tambe el a duna cara mainta, a scucha e trahadonan e mes di e dolor cu ta reina entre e trahadonan.
De Cuba a menciona cu e trahadonan ta trahando sin uniform ni safetyshoe. Un di e problema ta uniformidad.
Ora cu ta traha den e trabao aki, ta un di e exigencianan hopi halto. Ta bisa cu e maneho di Serlimar ta laga hopi di desea. De Cuba ta menciona cu ta tristo, pero mester bay trece un cambio den maneho.
Minister a bin, a scucha tur hende y a menciona cu tin di nombra un Raad van Toezicht (RvT) nobo pa atende cu e situacion, pasobra directamente e no lo atende cu e directora. Tin cu pasa via un Raad van Toezicht cu tin cu pasa a corto plaso.
A haci e solicitud pa STA tambe forma parti di e Raad van Toezicht como e representante di e trahadonan y ta algo cu tambe e minister tin e na consideracion.
De Cuba a menciona cu a manda un carta p’e minister p’asina STA tambe forma parti na e RvT, cu tin cu dirigi Serlimar den e cuater añanan venidero.
Pa cobertura mas amplio lesa edicion di TREMPAN mañan.
