Diasabra mainta, dia 3 di september, den Kapel di Cas Curason di Maria pa 7:00 (Blue Army) San Nicolas y den Kapel di Alto Vista pa 7:00 pm. Lo cuminsa resa 6:15 cu Santo Rosario y Santa Eucaristia ta cuminsa pa 7:00 pm.
Prome cu Santo Misa ta resa Santo Rosario pa 6:15 “Misterio Gososo”, despues ta sigui cu Salve Regina. Ta invita nos pueblo di Aruba, deboto y fiel pa asisti na e Santa Rosario prome cu Santo Misa. Cu Mama Maria intercede pa nos na nos Tata Celestial. Dia 8 di september fiesta recordatorio di nacemento di Mama Maria.
Santa Ana y Joaquin a bira mayornan di Inmaculada Birgen Maria. Diahuebs 31 di augustus a cuminsa nobena. Santa Ana ta patrona di misa di Noord pues tin fiesta.
Laga nos resa pa Nicaragua, pa Obispo Rolando Alvares, sacerdote y tur seminarista. Guera na Ucrania ta di lamenta, spantoso pa mundo henter. Hesus tene piedad pa mundo henter. Pa diasabra mainta, nos cuminsa trempan cu palabra di Dios. Cu nos oracion humilde yega na Tata Altisimo. Corda e enfermonan cu ta den exterior na Colombia, Hulanda tambe e pashentnan di nos islanan ruman cu ta na hospital aki.
Ban resa pa necesidad di Iglesia Universal, pa Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Ban implora na Dios cu a manda awasero saludabel pa nos suela seco, pa tur mata y palo di mondi cu nan reis duna gracia pa awasero bendiciona.
