Departamento di Impuesto ta informa cu diabierna dia 1 di december 2017, e seccion di
servicio di caha y servicio di registracion di auto lo cera mas trempan debi na un reunion pa e personal.
E servicio di caha y servicio di registracion di auto na oficina principal na Camacuri lo ta habri non-stop te 2’or atardi. Na e oficinanan di gobierno na Savaneta, Sta. Cruz, MFA Paradera y MFA Noord, lo duna servicio di caha non-stop te 1:30 atardi. Despues di e orarionan menciona, no ta posibel pa haci pago y/of registra auto of entrega plach’i number.
E seccion di Servicio na Cliente na Camacuri si lo ta habri conforme e orario di custumber.
Departamento di Impuesto ta pidi su clientenan pa tuma nota di e cambio di orario menciona pa evita cualkier inconveniencia.
