Diabierna siman pasa Atracoteam a tene un entrada hudicial na un cas na Sabana Basora caminda a detene e homber di inicial S.J.F. di 19 aña. Na dicho cas a confisca articulonan uza den diferente atraco y un auto. Relaciona cu e mesun atraconan, awe Atracoteam tawatin un entrada hudicial na un cas na Pos Chikito y a detene e ruman hombernan S.A.J.K. di 18 aña y G.E.A.K. di 19 aña.
Ta sospecha e tres sospechosonan di tin di haber cu diferente atraco, entre otro na un cas na Pos Chikito, caminda a atraca un pareha di edad, na Tio Pepe caminda a atraca un homber net despues di a sali di e restaurant, na Dior Minimarket y a atraca un señora na e bushalte na Pos Chikito dilanti Serlimar.
No ta descarta cu mas detencion lo cay den e siguiente oranan y dianan. Recherchenan di Atracateam ta hayando bastante pista for di comunidad relaciona cu e atraconan aki y di e posibel rol cu e sospechosonan a hunga durante e atraconan aki.
