A pidi presencia di polis na Brikstraat pa un persona tira abou. Bisiñanan a pensa na prome instante cu tabata trata di un persona cu a bira malo y cu tabatin mester di asistencia medico inmediato.
Esaki a sosode dialuna atardi, band’i 3:40 pm, den Brikstraat na Playa. Na yegada patruya a constata cu berdad tin un persona den un situacion fastioso. Ambulance na sitio a cuminsa haci chekeo y a bin resulta cu e persona aki ta bou di influencia.
Polisnan na sitio a pidi transport mesora pa asina hib’e warda pa e por descansa y pasa su wayaba.
