Diabierna ultimo e participantenan di UAUCU 2018 a ricibi nan copia di e buki Student Research Exchange Collected Papers 2018. E volumen aki ta presenta raportahenan academico y reflexionnan personal skirbi door di e participantenan di e UAUCU student research exchange project 2018. E textonan aki ta refleha e diversidad academico, disciplinario, diversidad den perspectiva, conhuntamente cu transfondo cultural. E programa, cu ta ofrece studiantenan di Universidad di Aruba (UA) y University College Utrecht (UCU) e oportunidad pa conduci investigacionnan den un team internacional multidiscuplinaro, a comproba un formula exitoso caba: trabou presenta den e edicionnan fo’i 2015, 2016 y 2017 a conduci na publicacionnan internacional y reconocimentonan pa thesis di varios alumno. Nos ta spera logronan similar pa e contribuidor nan di 2018.
E aña aki, e trabou academico inclui den e edicion ta consisti di topiconan manera identidad, cultura, creatividad, entrepreneurship, economia, recurso humano, polisa y consevacion di e medio ambiente. E esencia di e investigacion ta inclui pilot projects, exploracion di theoria, verifica cu data ricibi for di e respondentenan, estudionan riba e medio ambiente hopi extenso y estudionan socio-economico cu ta explora desafionan fundamental den e sociedad. 
E resultadonan diverso di e programa aki tin un meta comun pa logra na tin sociedadnan sostenibel, conscientisacion den nos comunidad y pa ofrece resultadonan cu lo tin beneficio pa e sociedad di Aruba. E trabou academico tambe ta demonstra con e studiantenan nan colaboracion den un team multi-disiplinario a influencia nan trabou. E participantenan tambe a comparti reflexionnan personal, reflehando riba nan experiencianan. E diversidad etnico y cultural a contribui na un ambiente social hopi rico y extraordinario y nan refleccionan ta demonstra e forsa di colaboracion y sosten mutuo den un grupo diverso. E textonan ta revela e poder di e projecto aki: cu nos por logra mas den e mundo ora cu nos considera diferente perspectivanan pa soluciona problemanan actual y door di traha hunto nos por fortifica y complimenta forsanan individual. E publicacion – hunto cu e otro edicionnan – ta accesibel nat http://www.ua.aw/international/
Den e potret: students Stephanie Arango, Thaïs Franken, Dirijini Piter and Jay-Mar Gamarra a ricibi nan copia di e publicacion for di project coordinator Eric Mijts den presencia di e rector di Universidad di Aruba (UA), Glenn Thodé and docente di UA Kitty Groothuijse.
