Diabierna mainta pasa di 9:00 am, chauffeurnan atento riba Green Corridor a bati alarma. A drenta informacion cu tin un Hyundai Accent colo preto direccion San Nicolas coriendo hopi malo.
A pensa cu sea e ta burachi of malo. Polis a bay mesora busca e auto. E momento cu e yamada a drenta e chauffeur tabata banda di e brug nobo riba Green Corridor. Polis a topa cu e auto na Cura Cabay banda di Napa. A dun’e e chauffeur ordo pa para. A busca mashin di supla y a resulta cu e chauffeur tabata hopi bebi.
Ora cu un hende supla y ta pata pata e mashin ta duna bo eror. Esey kiermen cu bo a pasa e limite cu e mashin por midi. E mashin di supla ta den funcion bek. Asina e polisnan por haci nan trabou riba e chauffeurnan cu ta bebe y core auto. Pa un aña largo no a controla cu suplamento pa motibo di COVID.
Esey ta e prome test pasobra despues ainda bo ta bay pasa den un otro test riba e mashin grandi pa asina saca exactamente con bebi bo ta. Diabierna mainta trempan e cos a bay robes cu e chauffeur aki. E tabata demasiado bebi. A hib’e warda pa e sosega y despues interog’e prome cu e bay cas. Fiscal probablemente lo trek in su rijbewijs tambe si e tin.
