Diasabra anochi algo pasa di 9:45 pm, polis a activa pa un homber canando supuestamente cu un cuchui den den su poder den centro di Playa. Varios patruya a practicamente cera centro di ciudad y no a dura mucho cu a topa cu un grupo di hoben cu tabata cuadra cu a discripcion duna na nan.
Den Zoutmanstraat a topa cu e gang y a pone tur para cu man den halto cara pa muraya. A listra cada un di nan y por lo menos riba un a descubri un cuchiu.
Polis a topa un tas chikito marca Adidas color preto y den dje a topa cu e arma. A confisc’e y a hib’e ward’i polis pa confronta e gang cu ta cana rond cu mal intencion.
Mayornan tambe tin un rol importante den combati criminalidad riba nos isla. Con por ta cu bo yiu ta cana rond cu cuchiu y abo ta permitie? Tardi of trempan, e lo cay den man di husticia y e ora tur hende kier lamenta.
