Diadomingo anochi alrededor di 11:00 pm a sosode un accidente n’e t-kruising na altura di KFC riba De La Sallestraat conencta cu Kamerlingh Onnestraat. Aki ta caminda cu un pickup marca Ford modelo F-150 tabata bin for di Kamerlingh Onnestraat y a subi De La Sallestraat sin duna preferencia.
El a dal den un auto marca Hyundai modelo Tucson color blauw. E chauffeur di e Tucson a sigui e Ford, cu a bay para net dilanti Amsterdam Sport Bar riba De La Sallestraat. A bay enfrent’e riba e sucedido, e chauffeur di e Ford no a gusta y a purba agredi e chauffeur di e Tucson hunto cu tres persona mas.
Polis a detene e chauffeur di e Ford pa sospecha cu ta stuur auto bou influencia di alcohol. E chauffeur di Tucson a conta cu nan a insult’e varios biaha. Hunto cu patruya di Playa, specialista di trafico y motor unit a logra domina e situacion den un rato di ora.
