Diadomingo anochi alrededor di 8:50 pm polis a para un pickup marca Nissan modelo Frontier riba Green Corridor.
Ta despues cu a ricibi varios yamada cu e chauffeur tabata core hopi malo riba caminda. E tabata bay di banda pa banda y pone no solamente su bida pero tambe di tur otro automobilista na peliger.
A logra par’e despues di rotonde Drive-In direccion west . E chauffeur tabata hari so y a admiti cu e ta riba un paranda.
A detene mesora pa stuur auto bou influencia di alcohol. E polis a pasa un bol cu ne, e tabata hari di ora a top’e, bah’e te na su detencion. No tabata ni necesario pa bay cu ne den un transporte di polis, den e patruya mes el a sinta den airco y bay direccion warda. E auto a keda para cant’i caminda.
Na warda un subfiscal lo dicidi sea riba su encarcelacion of libertad. Ta mustra claramente cu e lo canta “O Aruba, Dushi Tera”, tras di tralie, mirando cu lo habri Dia di Himno y Bandera cera den cel.
