Den oranan di anochi laat yamadanan a drenta cu tin hende riba e caminda di Caya Milio Croes pidiendo lift.
Polisnan a bay mesora wak ta ken. Ora nan a yega a topa cu e conoci di nan Raul Albertsz. E mesun persona aki Polis a detene tres biaha pa Toque de Queda.
E ta un adicto ambulante cu ta move marduga riba caya. Prome biaha a detene banda di Wayaca.
Despues den Santa Martha tambe a detene. Djey di tres biaha atrobe a topa cune riba Green Corridor banda di Wayaca. Diaranson anochi laat a topa cune riba Caya Milio Croes.
No a detene e biaha aki. Mas bien Polis a core cune y bise cu e no mag di cana riba caya. Despues di tres detencion, Polis a fada y a stop di detene. E lo no paga pa e multanan tog.
