Diabierna atardi Minister di Enseñansa y Deporte, Jan Hendrik “Endy” Croes tabatin un encuentro ameno cu Elvia Evelin Maduro-Angela y famia. E mandatario a felicita Elvia, kende a cumpli 31 aña di servicio den Gobierno como werkster na scol y alabes a baha cu pensioen bon mereci.
Minister a gradici Elvia pa tur e trabou y dedicacion haci durante tur e añanan aki na bienestar di Aruba. El a reconoce Elvia su trabou y a entreg’e un bunita detaye y flor pa recorda e momento importante aki.
E mandatario a repasa y a reconoce e importancia di e trabou di e werksternan na scolnan tur rond di nos isla. Specialmente awendia cu e pandemia, ta mas necesario pa scolnan ta limpi y ta forma un ambiente sigur pa studiantenan por tuma les y pa docentenan por duna les den dje.
