Diabierna atardi a tuma luga un accidente riba caminda di Rooi Bosal, cu e consecuencia cu un auto a dal na un palo di luz. E pal’i luz tabatin un transformere riba dje, consecuentemente a laga a area di Rooi Bosal completamente sin coriente.
Varios parti mas di e bario a keda sin coriente. E trabao riba esaki a dura 4 pa 5 ora pa restora e coriente.
Por a mira cu e prome palo di luz accidenta tabata e chikito na banda y e otro tabata un palo di luz nobo na Rooi Bosal.
Na momento di transmision, 24ora.com a informa Aruba tabatin coriente caba, despues cu coriente a bay den ora trempan di atardi, cu excepcion di Rooi Bosal unda cu tabatin un accidente di trafico.
Tanto personal di SETAR como di NV Elmar, mester a bin n’e sitio, p’asina haci e trabaonan necesario p’asina suministra coriente bek n’e bario. E coriente mes a bin bek den careda di 12:45 am.
