Flor di Brazil desde mita di maart a bay cas y di e dia ey no a cuminsa mas, pasobra a bisa cu e virus ta peligroso pa hendenan grandi. E grupo ta traha henter aña pero na luna juli-augustus nan tin vakantie pa seis siman.
Lourdes van der Griendt-Stamper, presidente di Flor di Brazil, a bisa e miembronan cu nan lo ta cera te 12 di augustus. El a yama e miembronan cu un bon noticia di habri bek dia 12 di augustus. Nan a prepara tur cos bek pasobra nan ta cla pa habri bek, pero mester a yama nan y cancela tur cos atrobe. Esaki tabata pa motibo cu e casonan di COVID a bira hopi.