Diasabra mainta a tuma luga e Youth Education Summit organisa pa Kiwanis Club of San Nicolas. Esaki ta un actividad den cual e organisacion social a busca pa educa y capacita hobennan den diferente area, pero primordialmente esun di liderazgo. Presidente di e club, Endra Richardson a comenta cu e evento a cana di un manera tremendo y tur esunnan envolvi a pasa hopi bon.
E dia a cuminsa for di 8’or di mainta cu registracion y desayuno pa despues por a bay na e diferente workshopnan. Participantenan a haci baile, atende lecturanan cu tema di Fiercefully You y Mindset, mientras cu for di psicologo y parlamentario Misha Raymond a haya informacion riba salud mental y desaroyo personal. Mark Benson Denz a papia di entrepreneurship y public speaking y por ultimo tabatin un workshop di Coding hunto cu Jean Pierre Solognier y EJ de Gruijl, ademas di otro tema y orador.
Pa relato completo di e actividad y con el a cana, lesa e edicion di mañan di TREMPAN.
