Awo si nos por bisa cu e conocido deportista Egmond Molina, a logra kibra e record cu el a pone pa conclui, esta ranca un bus di 11 ton cu un solo dede.
El a purb’e diasabra, pero e no a yega asina leu, pero por fin riba dialuna, despues di un otro intento, el a logra su meta.
Molina a indica cu diasabra tabata un dia basta duro. El a purba e record aki varios biaha, te habri su dedenan.
E cantidad di tempo cu e por a yega mas cerca di record ta 3 deci seconde for di e record. Diasabra anochi e no por a drumi.
Diadomingo su mente a keda draai so riba e record aki. Finalmente dialuna, el a yama su ekipo y a bisa nan cu lo kibra e record.
Egmond Molina a gradici e team completo cu a percura pa yega di biaha riba e yamada cu el a haci pa nan por yega y kibra e record aki y kit’e fo’i pipeline, ya cu e tabatin basta tempo tras di dje.
Tambe el a gradici Dios p’e don y tambe na tur esunnan cu tabat’ey presente n’e aeropuerto priva, unda cu e hazaña a tuma luga. Tambe el a conoci su amigo y conocinan, cu sin nan e no lo a logr’e, ya cu esaki no ta e so ta su logro, sino ta un record di henter e team. Si un persona den e team faya e record aki no lo ta posibel.
E RECORD
Molina tabata hopi frustra cu su mes diasabra, cu e no a logra diasabra. Ora cu e ta frustra asina, e siguiente biaha e ta bin hopi mas duro. Ta loke a pasa dialuna atardi.
