Awe merdia a sosode un caso serio na Noord, caminda a pidi ambulance cu urgencia pa un persona cu a bira hopi malo patras di Centro di Bario Noord, banda di e veld situa su tras.
Na momento cu a presenta na sitio a pidi presencia di ambulance cu maximo urgencia pa asina atende cu e persona cu no tabata mustra di ta den bon condicion di salud. Esaki a sosode alrededor di 1:00PM. Local por a compronde na prome instante ta, cu e persona aki lo a bebe un of otro substancia cu lo a haci’e hopi malo mes.
Cu sumo urgencia a transport’e pa Hospital, caminda cu actualmente e ta den cuido intensivo.
A tuma nota un rato despues cu team di recherche y forensico di polis a presenta y asina cuminsa cu un investigacion riguroso riba e incidente. Tambe na sitio a tuma un vehiculo ( Toyota fan blanco A-484730) den beslag, cu despues nan a transporta pa warda di Shaba. Mientrastanto e persona su situacion ta keda critico y ta bou observacion den cuido intensivo na Hospital.
