Diasabra pa mas o menos 1:30 pm, e mata cu ta situa cerca di e cura di Rosario College den Dominicanessenstraat, a cay. Ta un mata basta bieu cu posiblemente door di e awasero di e ultimo dianan, lo a provoca cu el a cay.
Parti di e mata a cay riba caya, creando asina un estorbo pa e trafico cu tabata circula e momento ey.
Personal di DOW a presenta na e sitio y cu mashin a corta e takinan, poniendo nan asina den un truck pa benta nan afo. Despues di e trabao, e trafico por a circula bek.