For di leu por a mira e huma gigantesco cu ta sali fo’i Daltra y un accion masivo a tuma luga cu practicamente tur unidad di bombero, con asistencia di Cuerpo Policial y tambe Bureau Rampenbestrijding. Den ora di atardi, a tene un conferencia di prensa, caminda cu a duna un actualisacion di e situacion, unda cu a pidi encarecidamente p’e habitantenan tene un distancia for di e sitio.
Polis ta sugera e habitantenan di Simeon Antonio, Bucutiweg, Cas Paloma y vecindario te cu 9’or te ora cu biento normalisa te ora cu cos normalisa, segun vocero di polis Lito Lacle.
Lo duna update despues kico lo pasa.
E huma tin un colo kimico y esey por ta dañino pa salud.
Cu coordinacion di brandweer polis tin su unidadnan ubica pa bienestar di e habitantenan.
Tarea di polis ta pa cera caminda, percura pa brandweer haci su trabao y tambe pa nan dicidi con nan ta pak aan e candela, cual a sosode.
Diferente departamento di polis a saca pa por yuda den e caso aki.
Ta un area basta facil pa controla. E parti dificil tabata Arugas, pero Danki na Dios cu e biento a bolter cu cos por a medio normalisa.
Pa loke t’e habitantenan, nan mes mester dicidi si nan ta keda, pero lo ta sabio di nan parti si nan por evacua te ora cu cos normalisa.
CONSEHO DI HAVA
Asociacion di dokter di cas HAVA mientrastanto tambe a manda un aviso p’e habitantenan cu ta biba den vecindario di Daltra, situa na Barcadera, cu por experencia keho manera tosamento, rosea cortico, dificultad pa hala rosea, dolor di cabes y dolor di garganta.
Fuera di esey p’e pashentnan cu tin keho respiratorio, cu esaki lo por bira pio.
“Si bo no mester sali fo’i cas, keda paden, preferiblemente cu porta y bentana cera,” ta loke e aviso di e asociacion ta bisa.
Pa mas cobertura lesa TREMPAN.
