E delegacion di Special Olympics Aruba a regresa cas bek cu hopi medaya y a ser ricibi na airport pa famia, amigo y conocirnan como tambe representante di e Gobierno di Aruba.
E elogia e esfuerso di nos atletanan a pone Aruba su nomber resona un bes mas den exterior. E sacrificio sin duda tabata uno grandi, nos atletanan a hiba un preparacion extenso di entrenamento pa varios luna.
Aki no por lubida e sosten di nan cacohnan como tambe mayornan cu tur dia ta apoya nan yiunan den loke nan ta haci. Aruba por ta orguyoso di nos atletanan di Special Olympics Aruba cu a regresa no menos cu 9 medaya den total y cu hopi lintjes. E deporte di futbol, bowling, badminton y bolas a sobresali den gran forma. Un pabien grandi na henter e delegacion di Special Olympics Aruba cu nan prestacion na Abu Dhabi den e Special Olympics Summer World Games 2019.
Stichting Sportsubsidie Aruba ta contento di por aporta y brinda e ayudo na e organisacion di Special Olympics Aruba cu lo participa na e 2019 Special Olympics World Summer Games na Abu Dhabi, United Arab Emirates.
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
