Cu un Jongerenraad bo ta bin mas cerca di kico ta biba den comunidad na Aruba

Telefon pa Hubentud tin un area di conseho for di e area di hobennan mes, esta e Jongeren Raad. Shurman Milliard, trahado social di Telefon pa Hubentud, a splica cu nan ta traha riba un maneho internacional. Nan ta parti di CHI (Child Helpline International), ta un fundacion di tur e Kinderhulplijnen di tur caminda na mundo.

Cu un Jongerenraad bo ta bin mas cerca di kico ta biba den comunidad na Aruba

Cu un Jongerenraad bo ta bin mas cerca di kico ta biba den comunidad na Aruba

Posted by 24ora on Tuesday, March 26, 2019

Eynan por mira diferente conseho cu nan ta duna. Un di nan ta cu bo mester ta sostenibel. Esey ta nifica cu bo por wak den futuro cu bo tin un luga ancra den e comunidad di Aruba of di e luga cu bo ta, pa asina den hopi aña bo tey pa e hobennan.

Un di e consehonan ta, no solamente di CHI, pero tambe di Unicef y otro fundacionnan hopi grandi na mundo, cu bo mester tin un Jongerenraad. Un Jongerenraad ta un grupo di hoben cu ta duna informacion, ta revisa e proyectonan cu bo ta haciendo, nan ta revisa hasta e maneho cu bo ta hibando, pa asina abo ta haya e intake di e hobennan mes, riba e momento ey. Tin tres hoben na e momentonan aki den e Jongerenraad, pronto e lo ta cinco. Nan ta bay wak e charlanan di Telefon pa Hubentud, nan ta wak e proyectonan di Telefon pa Hubentud, nan ta duna informacion kico ta andando na e momento ey bao di e hobennan, pa por anticipa e problemanan cu por bin of kico nan ta wak den nan propio mundo.

E hobennan aki ta bin for di diferente area. Nan ta bay duna informacion, por ehempel di arte, nan ta duna informacion riba deporte. Nan ta duna informacion di investigacionnan cu nan ta haciendo por ehempel na Universidad di Aruba y kico e hobennan adulto ta haciendo na e momentonan aki. Esey ta tuma na cuenta y adapta e charla, proyectonan, pa bin mas cerca di comunidad. Ta pensa ora cu bo kier reach un hende, bo mester ta cerca di nan. Door di un Jongerenraad
bo ta bin mas cerca di kico ta biba den nos comunidad na Aruba.