Randall Luidens ta bek atrobe cu un album nobo despues di dos aña. Nos a combersa cu ne den su studio di grabacion na unda tur cos ta tuma luga, for di musica te cu trabaonan audio visual cu Randall ta haci via su propio compania.
Randall ta conta cu hunto cu su team a dicidi dos siman pasa cu lo lansa e proyecto aki titula Cicatriz p’e fin di aña aki. E no ta echt un album, e idea tabata pa saca tres cantica pero esaki a bira shete despues. A dicidi di haci un Release Party chikito tambe pa motibo cu e no ta un Album pero toch pa tin algo chikito den famia y amistad.
E ta asina laat den aña door cu ta bay over di cierto experiencia cu a pasa cune durante 2023. “Mi musica semper ta un proceso hopi personal pa mi anto e proyecto aki no ta diferente.” Randall ta conta cu esaki ta un cos cu e mester a saca prome cu aña caba, e no kier a hiba esaki cu ne pa 2024 y lag’e mas bien den 2023. Aworaki ta bay concentra riba kico lo bini pa 2024.
E EP aki tin shete cancion, algo pa tur cos for di esnan cu ta super enamora of tin curason kibra, lo tin algo pa nan segun Randall. Tin cantica cu tabata tin cierto concepto caba pero nan a cuminsa y finalisa den un pa dos siman mas o menos. E feedback online tambe por mira ta grandi mirando cu e fanaticada y siguidornan di e cantante no a pensa dos biaha pa bay sostene, algun comentando cu e tabata haci hopi na falta y tabata warda te ora e finalmente bini cu algo nobo.
Por bay scucha e proyecto ariba e Youtube di Randall Luidens y pendiente pa tin esaki pronto riba tur otro plataforma.
