De Schakel ta un scol cu ta recolectando placa pa Sint Maarten. Durante entrevista cu cabesante Inge La Haye, el a splica con esaki ta bayendo. Diaranson ta e dia final di e recaudacion di fondo pa yuda Sint Maarten. Hunto cu Inge La Haye tabata tey tambe Jufrouw Claudia Bouwer kende a splica un tiki riba e actividad.
La Haye a splica cu e actividad ta uno di 4 dia pa Sint Maarten. E alumnonan ta hopi bezig cu St. Maarten y hopi tin famia eynan. Nan a spanta di loke nan por a mira den noticia. Tambe tin famianan ta den defensa y varios mama y tata di famia, a bay St. Maarten den e ultimo dianan.
E actividad
Diabierna Schakel College a cuminsa. Nan a haci un colecta na e crusada cerca di e scol y a colecta mas di 1000 florin. Diaranson nan lo continua cu un feria pa tanto peuter y basisschool.
Clauda Bouwer, kende un ta un docente, a splica cu nan ta contento pa por sostene e accion aki. Tin 3 mucha di grupo 7 cu a bin cu un iniciativa. Diaranson, dia 20 di September, nan lo bay tene e feria, caminda cu lo bay tin Dino Jump, lo bay tin rifa. Tin varios actividad cu lo tuma luga riba e dia aki.
E muchanan cu lo participa
Ta trata aki di muchanan di 2 te cu 12 aña. E peuternan lo participa ta di e scol basico y Prikichi.
Reaccion
E reaccionnan ta hopi bon. Por a ripara esaki for di companianan local, cu ta sostene e scol den e accion aki. Bouwer ta spera pa un bon cooperacion riba dia 20 di September.
Hunto cu e mayornan
E mayornan ta bon bini pa hunto cu e yiu y/of famia, ta por participa den e actividadnan riba e plenchi. E accion ta cuminsa di 12’or y 15 te cu 1’or di merdia y despues di esey lo bay tin e rifa grandi.
E placa
E placa lo wordo entrega na Cruz Cora, cual despues nan lo divulga cuanto placa nan a logra recauda.
