Pa medio di decreto nacional di 2 maart 2023 a formalisa e nombramento di mr. David G. Kock como Presidente di Raad van Advies di Aruba entrante prome di januari 2023.
mr. David Kock Kock no ta un persona desconoci na Aruba: e ta abogado di profesion, socio di bufete di abogado DK Legal, docente di derecho laboral na Universidad di Aruba y desde juli 2012 e ta fungi como un miembro balora di Raad van Advies. E tin un conocemento amplio y experiencia grandi riba diferente tereno di derecho. Raad van Advies y e Wetenschappelijk Bureau di Raad ta felicita mr. Kock cu su nombramento y ta contento di por continua e bon cooperacion cu mr. Kock.
Tambe riba e mesun dia, prome di januari 2023,e ley nobo di Raad van Advies (Landsverordering Raad van Advies 2022) a drenta na vigor. Cu esaki e posicion independiente y autonomo di Raad como e consehero constitucional mas halto di Gobierno y Parlamento a wordo fortifica mas ainda.
Pa mas informacion riba e posicion di Raad den nos constelacion estatal, e composicion y tareanan di Raad y garantianan pa sigura e independencia di Raad, ta wordo referi na e website di Raad: www.rva.aw.
