Durante e periodo di 31 di October pa 31 di December 2017, tur usuario di e tarhetanan di credito di Aruba Bank por a participa den nan campaña di fin di aña “Shop & Win”.
Cu cada compra di Awg 1,000. acumula e cliente a ricibi e oportunidad pa participa automaticamente na e campaña pa gana AWG 10,000.-. Teniendo na cuenta cu fin di aña ta un periodo cu ta haci hopi compras, Aruba Bank a opta pa recompensa su usuarionan di tarheta di credito cu e suma di AWG 10,000.-. Cliente di Aruba Bank, Sr. Dasley Dirks. a gana e bunita suma y a keda sumamente contento cu su premio inespera. Na e sucursal na Camacuri representante di gerencia di banco Sra. Gina Habibe a felicita Sr. Dirks oficialmente. Un pabien ta bay na e ganado di Aruba Bank su campaña di Shop & Win.
