Un scenario basta serio a bin topa cu ne na Zumbo den Santa Cruz, ora cu un trailer a pasa ranca un palo di coriente y causa daño na henter e area.
Aproximadamente 11:30 am a pidi presencia di polis cu un poco urgencia pa asina atende cu un situacion peligroso cu waya di coriente benta riba caminda. E trailer no a midi aproximacion y e consecuencia tabata uno costoso.
Algun habitante a indica di a scucha un sonido fuerte den e area cu a pone nan tur sali bay tira bista. A bin topa cu waya, palo como tambe un transformator tira abou. Afortunadamente e chauffeur di e trekker no a resulta herida pero tin di bisa cu e gasto ta uno cuantioso mirando cu ta trata di un transformator.
A pidi presencia di brandweer na sitio como cu e coriente tabata chispa y menasa un candela na e mondi caminda cu tur cos a cay. Naturalmente tambe tabata pensa riba e voltage halto cu tabata trata e momento ey cu ne y e siguridad di tur presente na sitio.
A warda riba personal di ELMAR pa kita e coriente y asina cuminsa e trabou di restablece e coriente como tambe e cambio na e daño causa na e palo.
