Den Dr. Schaepmanstraat na San Nicolas a sosode un accidente entre un Toyota Yaris biniendo di direccion pariba, cu a topa cu un Hyundai Getz net na momento cu esaki a caba di haci un entrega di cuminda.
Pa un motibo of otro e chauffeur di Toyota Yaris a dal contra e Hyundai Getz. E chauffeur masculino a baha for di auto pa mira e daño material, pero e no a warda ni pa polis ni pa roadservice y a bandona e sitio.
Di biaha chauffeur femenino di Hyundai a yama polis di San Nicolas p’e incidente aki. Polis a presenta na e sitio, a scucha e chauffeur femenino, kende a splica nan kico tur a pasa y cu e homber a bandona sitio. Polisnan a tuma tur dato di loke a pasa.
