Doño di cas na Mamoticastraat den Dakota, cu ta un persona di edad caba, a pidi presencia di polis un poco urgente na momento cu el a descubri un persona den su cura di cas.
Esaki a sosode den careda di 2:00 pm ora cu e señora a pasa den un susto, na momento cu a topa un homber tur na sanger parti patras di su cas. El a sali na careda pero visibelmente e tabata herida mirando cu e tabata laga lastro di sanger atras.
Polis a presenta y bin topa cu e scenario. A cuminsa un buskeda den e area pero no a logra localisa e persona herida aki. A tuma tur dato na dicho cas mientras lo spera mas informacion durante atardisi acaso ta logra topa cu ne si of no.
