Locual cu a cuminsa den laboratorium na Wuhan afecta henter mundo y awe e ta un pesadia. Nos mester realisa cu e situacion ta mundial cu lo no bai cambia asina lihe. E covid-19 berdad ta peligroso pero e por wordo controla. Importante ta pa nos come saludable y usa vitamin nan pa mantene nos sistema inmunologico na halto.
Historia a demostra cu nunca a crea un vacuna den 6 luna di tempo. Esnan cu nan crea mas lihe a tuma 12 anja di tempo. Ta conserve e vacuna bao di un temperatura cu no ta custumbra . Tur esaki a lanta sospecha cu kiko tin tras di e vacuna aki. Pio ainda cu ta pone enfasis y fini fini ta forsa e ser humano den moda di obligatorio pa tume. Kiko ta realmente ta e contenido? E ta siribi berdaderamente pa proteha e ser humano contra e covid? Kiko lo ta su effecto secundario? E ser humano a wordo usa como experimento? Hopi ta e preguntanan sin contesta y tempo lo demostra kiko ta effecto cu experimento aki lo bai trese cu ne. Na Hulanda doctornan ta bisa cu e bijwerking di e vacuna ta mas peligroso cu e virus mes.
Un realidad ta cu e vacuna no a duna ningun resultado. Paisnan manera Hulanda, Israel y Gibraltar cu a vacuna mas di 70% di nan poblacion nan hospital ta jena cu esnan vacuna? Pa kiko ta manipula cu cifras y pa kiko medianan social no ta papia nada di esaki?
E mundo farmacéutico ta traha na bienestar di e salud di hende? Prome cu a crea negoshinan farmacéutico nos tabata conoce e remedy natural. E substancia cu e negoshi farmacéutico ta usa ta sali for di petroleo. Petroleo ta malo pa medio ambiente pero pa saca remedy pa e ser humano si e no ta malo? Nos ta jame negoshi paso ora bo lesa e effectonan secundario por ehempel e pildo di pression, e ta bisa cu e ta daña bo riñon nan despues di tempo. Mas malesa e ser humano tin ta mas remedy lo e mester bai tuma. Esaki ta bira automaticamente na mas entrada pa e negoshi farmaceutico. Medicina ta un di e cosnan mas carro na e mundo aki.
Kiko nos mester pensa di tur esaki? E realidad ta cu e ser humano no tin balor mas! E negoshi aki simpelmente ta pa hasi mas daño na e salud di e ser humano cu meta pa gana mas placa? Hasi e ser humano bira esclavo di remedy paso mas malesa nan hinca den e bida di e ser humano mas placa ta drenta den nan caha como ganashi. Sigui e placa anto bo haya sa ken tur ta tras di e negoshinan aki. Ademas di tur esaki ta bisa cu remedynan natural no ta bon y esaki ta mas cu claro paso e ta stroba e negoshinan aki di gana biyones. E ganashi di e vacuna na luna di September 2021 ta surpasa 62 biyon di dollar. Ela kibra tur record y no ta papia mas di e otro vacunanan.
Biniendo riba e parti di vacuna nos por mira cu paisnan manera San Salvador, Japon y India a stop cu e vacuna y a bai over na ivermetine. Na Nebraska tambe docternan por prescribe ivermetine y hydroxychloroquine pa esnan cu covid.. E ta un remedy cu a wordo crea na 1995 pa parasito y tabata wordo usa pa muchanan. Despues di e bon resultado tambe a cree pa animalnan. Informacion for di nos hermana isla Curacao cu esnan ta top di gobierno no a tuma e vacuna y tin bisa di cu Hulanda ta mesun cos.
Rond mundo kier forsa hende di tuma e vacuna apesar di tur effectonan secundario cu e ser humano a haya su mes cu ne despues di a tume. New York mas cu 400 doctor y enfermera a ninga di tume y nan a prefera di keda sin trabao. Aerolinea nan Americano ta confrota cancelacion di vuelonan paso pilotonan ta ninga di tuma e vacuna. Na Hawai polisnan y empleado di brandweer tambe a ninga di tume.
E vacuna a para bira un obligacion en vez di tabata un solucion pa e corona. Kiko realmente tin tras di tur e mente maligno aki? Awor a bin asta cu un QR-code unda nan tin tur bo informacion. E paspoort di vacuna? Kiko ta tras di esaki, controla e ser humano? Esaki a wordo tresi den e forum economico mundial? Esaki ta e orden mundial? Nos no a tende ningun partido politico aki na Aruba sali na defense di esnan cu no ta desea di tume. Ta bisa un cos y ta hasi otro.
Na un restaurant na Hulanda tabata tin un brote di e virus memei di esnan vacuna y a dicidi cerra e restaurant. Esnan cu a bishita e restaurant segun informacion solamente por a drenta pa medio di QR-code. Virologonan ta bisa cu mas hende a fayece door di e vacuna cu e covid mes. E vacuna a demostra di ta un fracaso?
Aki na Aruba negoshinan ta malipula trahadornan pa tuma e vacuna y ta bai asina leeuw di duna nan un compensacion si nan tuma e vacuna. Unda sindicatonan a keda? Paso nan tarea ta di sali na defense di e clase trahado den su totalidad. Esaki sigur ta un acto di descriminacion. Nos Constitucion ta papia bon cla di e cos aki. E consequencia cu e vacuna ta trese cu’ne, ken ta para responsabel pa esnan cu despues di a tuma e vacuna no por trese pan cada dia den cas mas!!!!!
Pesey mes nos di partido Curpa for di un principio a expresa cu na nos opinion cu cada ken mester tin e libertad pa dicidi si ta tuma e vacuna. Mi curpa mi decision. E no mester ta un obligacion.
