E lema di World Economic Forum ta: “lo bo no tin nada y lo bo ta contento.” Si nos lesa e lema aki nos por saca nos conclusion cu nos gobierno den e ultimo 20 aña a cumpli cabalmente cu e lema aki. Nos gobiernonan den e ultimo 20 aña a crea un mega debe di mas cu 6 biyon florin. E culpabelnan ta e partidonan MEP y AVP. P’esey pueblo no por lubida e 13 di november 2020 ora nos prome minister a firma ‘COHO.’ Nunca tabata tin un dialogo nacional, pasobra no tabata tin participacion real. Introduccion di e landspakket awe keto bay ta na vigor y mayoria di e landspakket a drenta na vigor. Un di e puntonan ta e open border policy. E punto aki ta pa caba cu identidad di Aruba. Europa y Merca ta un ehempel.
Nos por corda locual cu van Huffelen a expresa esta cu bo no por kere minister president di Aruba su palabra ni locual cu el a firma. Cuanto biaha a core tras di minister president pa e landspakket y e acuerdonan cu el a firma y no a cumpli cu nan. Nos sa cu algun minister di e gabinete Rutte ta alumno di World Economic Forum y p’esey tabata pusha Aruba pa sigui den mesun direccion. E Hulandesnan mes a perde nan bos y awe Hulanda a perde su identidad.
Hulanda ta goberna pa Union Europeo y e unico cos cu mester haci ta hinca biyones di euro den caha di Union Europeo. Danki Dios e paisnan den Europa nan wowo a habri cu nan no ta kere den e World Economic Forum ni tampoco den e Sustainable Development Goals (SDG). No ta por nada e agricultornan na diferente pais Europeo a protesta contra e 17 punto di Sustainable Development Goals cu kier sclavisa mundo henter cu nan plan comunista.
Un prome minister no por dicidi pa henter un pais. Locual cu e omo a logra e sobrina a entrega. Den un noticia cu no por a confirma parce cu nos prome minister den su reaccion na Hulanda a ofrece Oranjestad como capital di providencia extraordinario Caribe Hulandes. E mentalidad di colonialismo di Hulanda ta sigui. Esaki ta discriminacion y no e igualdad di genero caminda cu kier legalisa matrimonio di mesun sexo. Locual cu Wilders mester haci ta ruim op e corupcion den e gobierno Hulandes.
Wilders ta busca e splinter den wowo di Aruba pero e mester saca e balki for di nan propio wowo. Ora Hulanda duna bo algo bo mester habri bo wowo hancho pa mira kico e ta bay kita for di bo. Hulanda a hinca 1000 biyon euro di cambio climatico y cuanto placa ta hinca den e guera di Ucraina. E 916 miyon florin di prestamo na Aruba ta keda manera un cen den tur e biyones. Wilders no ta nan pero parce lo no ta miho cu nan tampoco.
Aruba mester un gobierno di hende cu ta pone Aruba na prome luga y no nan beneficionan personal. Aruba mester di un gobierno cu cristiannan berdadero cu tin temor di Dios. Un gobierno cu mentalidad di reino pa asina nos isla chikito pero si respeta por ta bendiciona. E parlamentarionan supuestamente Cristian no a haci nada pa nos isla, solamente biaha y cumpli cu ordo cu ta bin di Cocolishi. Nos tin un gobierno inhusto cu no ta respeta boluntad di Dios y ta bin cu leynan cu ta contra leynan di Dios. E maldad di nos gobierno a haci hopi daño na nos isla. Dios su tempo ta perfecto y ta tempo pa nan recoge e maldad cu nan a sembra. E leynan di Dios no ta negociabel pa partido Curpa. Partido Curpa ta e unico alternativa.
