E organisacion di San Diego Padres a cera nan reunionnan di winter den nan ciudad natal den grandi ora cu nan a agrega e gran batiado cu nan tabata buscando henter siman.
Xander Bogaerts ta rumbo pa San Diego, segun un fuente di MLB a bisa diaranson anochi. E shortstop di Boston Red Sox di tur tempo a yega na un acuerdo di 11 aña na un balor di 280 miyon dollar, un acuerdo cu ainda ta pendiente di un checkeo medico y cu ainda e club mes no a confirma. E contract di Bogaerts no ta inclui opt-outs (exclusion boluntario) y un clausula di no traspaso total.
Den e ultimo temporada, Bogaerts tabata un averahe di bateo di .307/.377/.456 cu ta inclui 15 homerun y tin un averahe di .292, 1410 hit den su carera y dos renchi como e ganado di World Series , cu Red Sox na 2013 y 2018. E move aki ta conclui un siman di locura unda cu Padres a bay tras di Trea Turner y Aaron Judge, aunke cu e prome a bay pa Philadelphia y e ultimo a bay bek pa New York Yankees.
Despues di a perde e oportunidad pa firma e dos agentenan liber aki, Padres no tabata tin pensa di perde un di tres. Sigur, ta un prijs basta pica pa paga, y Bogaerts di 30 aña lo tin un contract cu Padres te dia e cumpli 41 aña. Pero mas cu tur, e yegada di Bogaerts ta un prueba mas di Padres su ambicion pa gana y gana awo.
Sinembargo, Bogaerts eventualmente lo crea un sorto di enigma posicional di San Diego. Padres ya caba a perde un serie di shortstop, incluyendo Ha-Seong Kim y Fernando Tatis Jr.
Ainda no tin un decision final for di e ekipo unda cu Bogaerts lo bay hunga. Pero varios fuente a indica cu su firmamento cu e club di Padres ta debi na su posicion na shortstop. Cu esaki, Tatis lo move permanentemente pa outfield, Kim lo move pa segunda base y Jake Cronenworth lo move pa primera base.
Esaki ta un perdida pa e ekipo di Boston Red Sox, cu no a duna Xander Bogaerts un contract cu ta na su nivel y Padres a wak e momento oportuno y ta bay cu ne.
Tur esakinan ta desaroyonan cu ta tumando luga actualmente n’e nivelnan mas halto di Major League Baseball.
Kizas awo San Diego Padres tin e Top 4 den Major League Baseball?
Fernando Tatis Jr
Manny Machado
Juan Soto
Xander Bogaerts
Ariba papel, esaki sigur ta mustra un monster di cuarteto. Di parti Headlines Group, cas editorial di 24ora.com y bo matutino digital TREMPAN, nos ta desea nos yiu di tera, Xander Bogaerts tur clase di exito den su team nobo.
