Cuerpo Policial Aruba ta contento di por anuncia cu polis t’ey un biaha mas na e evento di mas grandi ariba e isla cu ta e opendag dia prome di mei di Marina Real cu lo tuma luga na Marinierskazerne Savaneta.
Despues cu tres aña no tabata tin opendag pa via motibo di COVID e aña aki si Marina Real ta anuncia cu lo tin su famoso opendag. Como un partner den e cadena hudicial Cuerpo Policial Aruba tambe lo bay haci diferente demostracion pa publico presente.
Lo tin e unidadnan di Mobiele Eenheid,K-9 Unit, Team di Aresto y e studiantenan di Scol di Polis. E unidadnan lo bay demostra con a nan ta haci e trabou di Polis den nan forma. Nan cada un lo bay duna tres demostracion na publico.
Cuerpo Policial Aruba ta invita pueblo di Aruba pa bin cu famia completo y disfruta di e opendag aki na Marinierskazerne pero tambe bin wak e demostracionnan cu e unidadnan ta bezig ta preparando pa e dia aki.
Porta ta habri pa 10:00 am. Bini un bini tur. Nos ta warda bo!
